May 17th, 2012 by Ingveldur Ýr

Hjá okkur er hægt að vera í söngtímum í sumar, hvort sem er vikulega eða sjaldnar. Undanfarin ár hefur fólk nýtt sér í auknum mæli að sinna slíkum áhugamálum á sumrin. Einnig hafa söngnemendur sem annars eru í löngu sumarfríi frá skólanum komið í söngtíma til þess að halda sér við, með fullu samþykki söngkennara síns að sjálfsögðu!

Einkatímar í sumar verða kenndir á þriðjudögum, miðvikudögum og fimmtudögum. Hægt er að bóka tíma á ingveldur@gmail.com eða í síma 898 0108

May 10th, 2012 by Ingveldur Ýr

Requiem John Rutter Spectrum Sönghópur Vortónleikar

April 30th, 2012 by Ingveldur Ýr

Vortónleikar Sönghópsins Spectrum verða 13. maí í Neskirkju kl. 20.

Að þessu sinni er dagskráin enn veglegri en áður; flutt verður Sálumessa eftir John Rutter með hljóðfæraleikurum og einsöngvara. Bretinn John Rutter er oft álitinn svolítill rokkari í heimi hinnar klassísku kórtónlistar og var markmið hans við tónsmíðar sálumessunnar að hún yrði aðgengileg öllum unnendum fallegrar tónlistar, en ekki bara þeim er lagt hafa stund á klassíska tónlist. Kórlög John Rutter eru mörgum vel þekkt, en Sálumessan – Requiem hefur afar sjaldan verið flutt hér á landi.
Stjórnandi er Ingveldur Ýr
Einsöngvari: Valdís G. Gregory

Auk sálumessunar mun Spectrum flytja falleg íslensk og erlend lög, t.d: Ave Maria eftir Caccini og Anthem úr söngleiknum Chess. Þar að auki syngja mæðgurnar Ingveldur Ýr og Jasmín Kristjánsdóttir Pie Jesu eftir Andrew Lloyd Webber.

Miðaverð er 2500.- við innganginn en kr. 2000 í forsölu hjá meðlimum í Spectrum.

January 5th, 2012 by Ingveldur Ýr

Næstu söngnámskeið byrja fimmtudaginn 2. mars og standa yfir í mánuð.

Námskeiðin eru ætluð byrjendum og þeim sem vilja rifja upp grunnatriðin í söng. Kennd eru undirstöðuatriði í söngtækni; öndun, raddæfingar, tónheyrn og innsýn inn í nótnalestur. Sungin eru almenn sönglög við allra hæfi.

Hægt er að koma í einkatíma sem framhald af námskeiðinu eða í byrjenda sönghóp sem æfir vikulega.

December 14th, 2011 by Ingveldur Ýr

Í desember er tilboð á gjafabréfum í söng:

Söngtíminn er á 7000.-

en 6500.- ef tekinn er kennsludiskur með.

November 18th, 2011 by Ingveldur Ýr

Sönghópurinn Spectrum heldur sína árlegu jólatónleika í Fríkirkjunni, mánudagskvöldið 5. desember 2011, kl. 20.

Flutt verða bæði sígild jólalög og minna þekkt jólalög frá ýmsum löndum.
Stjórnandi og einsöngvari er Ingveldur Ýr og píanóleikari er Vignir Þór Stefánsson. Einnig koma óvæntir gestir af yngri kynslóðinni í heimsókn.

Jólatónleikar Spectrum í Fríkirkjunni

Flutt verða m.a. lögin:
White Christmas, I wonder as I wander, We’re walking in the air, Feliz navidad, Máríuvers, Betlehemstjarnan, Ó helga nótt, African noël, Have yourself a merry little Christmas, Sanctus úr Requiem eftir Rutter, Á jólanótt, Hvert er það barn, Christmas carol eftir Charles Ives og Hátíð fer að höndum ein.

Miðaverð: kr. 2000.- við innganginn,

eða kr. 1500.- í forsölu hjá félögum í Spectrum og á tölvupóstinum ingveldur@gmail.com

Frítt er fyrir 16 ára og yngri.

August 8th, 2011 by Ingveldur Ýr

Tónfræði og nótnalestursnámskeið fyrir byrjendur hefst 15. september.

Kennd verða grunnatriði í tónfræði, tónheyrn og nótnalestri og lýkur námskeiði með prófi í 3. stigi í tónfræði samkvæmt námsskrá Menntamálaráðuneytisins. Tónheyrn og nótnalestur er kenndur með þarfir söngvarans í huga. Námið er mjög einstaklingsmiðað og hentar öllum þeim sem vilja ná lengra í söngnum; auka þekkingu sína í tónlist og vera fljótari að læra lög. Einnig þeim sem þurfa að ljúka tónfræði í samræmi við grunn og miðnám í söng.

Skráning fer fram á netfanginu ingveldur@gmail.com

Námskeiðið hefst fimmtudaginn 15. september kl. 17-19 og fer fram í Tröllaborgum 6.

Námskeiðið er 10 vikna og kostar 45.000.- með námsefni.

Hjá Söngstúdíóinu er tónfræði kennd í tveimur áföngum og hægt er að ljúka allri tónfræði á einum vetri. Tónfræði 1 er grunnnám þe. 1,2,3 stig auk byrjunar 4. stigs. Tónfræði 2. er 4. 5. og 6 eða svokallað miðnám. stig. Öllum námskeiðum lýkur með stöðluðu tónfræðiprófi.

June 6th, 2011 by Ingveldur Ýr

Einkatímar í söng verða í boði hjá Söngstúdíóinu. Hægt er að koma í 1 eða fleiri skipti og fá stigvaxandi afslátt. Kennt verður á þriðjudögum og miðvikudögum. Skráning fer fram á netfanginu ingveldur@gmail.com

Tónfræðinámskeið og söngnámskeið fyrir byrjendur hefjast síðan í byrjun september.

May 21st, 2011 by Ingveldur Ýr

Sönghópurinn Spectrum verður með vortónleika í Guðríðarkirkju, á morgun sunnudaginn 22. maí kl. 20.
Vorleg söngdagskrá með vönduðum útsetningum. Meðal laga eru Bridge over troubled water, Love me tender, Con te partirò,
Down to the river to pray, Gershwin-syrpa, bandarísk þjóðlög og fleira.

Stjórnandi: Ingveldur Ýr, píanóleikari: Vignir Þór Stefánsson
Miðaverð 1500.- í forsölu og 2000.- við innganginn.

Eftir tónleikana verður boðið upp á kaffi og létt meðlæti í fallegu umhverfi Guðríðarkirkju.
Hlakka til að sjá sem flesta!

Leiðbeiningar í Guðríðarkirkju í Grafarholti má sjá hér á korti, en kirkjan uþb. 12 mínútna akstur frá miðbænum:
http://ja.is/kort/#q=index_id%3A1391524&x=365758&y=405414&z=9

May 6th, 2011 by Ingveldur Ýr

Vornámskeiðið er farið af stað og allir farnir að æfa sig heima og í bílnum. Bíllinn er sá staður sem flestir æfa sig, merkilegt nokk. Þess vegna lét ég útbúa æfingadiska sem fólk getur notað í bílnum! Vona samt að það hafi ekki neikvæð áhrif á umferðina:)

Á döfinni eru vortónleikar Spectrums og félaga, í Guðríðarkirkju 22. maí kl. 20. Miðaverð er 1500.- í forsölu (hjá félögum eða á ingveldur@gmail.com) og 2000.- við innganginn. Efnisskráin inniheldur syrpu af Gershwin slögurum og þekkt dægurlög í skemmtilegum útsetningum.